MATTHEW
मत्ती
यीशु एरू खानदान
( लूका 3:23 - 38 )
1
1 अब्रहामेरी औव्लाध, दाऊदेहेरी औव्लाध, यीशु मसीहेरी वंशाबली |
2 आब्रहंमेरो ईज़हाक पैइदा भोव; ते ईज़हाकेरो याकुब पैइदा भोव; ते याकुबेरे युहुदा ते तैसेरे ढ्ला पैइदा भुए | 3 ते युहुदेरो फारस, ते ज़राहा पैइदा भुए; ते तैन्केरी हैईयरू नोंव तंम्र थुं, ते तै फार्सेरो हस्रोंना पैइदा भोव, ते हस्रोंनेरो राम पैइदा भोव? 4 ते रामेरो आमिनादाब पैइदा भोव; ते आमिनादाबेरो न्ह्सोंना पैइदा भोव, ते न्हसोंनेरो सल्मोंना पैइदा भोव। 5 ते सल्मोंनेरो बौईज़ पैईदा भोव, ते बौईज़ेरी अम्मारु नोंव राहब थुं; ते बौईज़ेरो औबेद पैइदा भोव, ते ज़ैसेरी अम्मारु नोंव रुत थुं ते औबेदेरो याशी पैइदा भोव। 6 ते याशीएरो दावद बादशाहा पैइदा भोव,
दावदेरो सुलेमान पैइदा भोव, ते तैसेरी हैई येनी अम्मा ज़ै पेहिली उरियाऐरी कौन्श थी? 7 ते सुलेमानेरो रूहुबांम पैइदा भोव, ते रूहुबांमेरो आबीया पैइदा भोव, ते आबीयारो आसा पैइदा भोव। 8 ते आसाएरो युस्फत पैइदा भोव, ते युस्फतेरो युराम पैइदा भोव, ते युरामेरो उज़िया पैइदा भो | 9 ते उज़ियाएरो युतांम पैइदा भोव; ते युतांमेरो आखज़ पैइदा भोव; ते आखज़ेरो हज़किया पैइदा भोव। 10 ते हज़कियाएरो मनसी पैइदा भोव, ते मनसीएरो आमौना पैइदा भोव, ते आमौनेरो युसिया पैइदा भोव। 11 ते युहुदुयेरे मुल्खे मैरां जलावतना भोइतां बाबलेरी गुलैमी मां गहंने तगर य्कुंनिया ता तैसेरे ढ्ला पैइदा भुए।
12 बाबले मैरां जलावतना भोंनेरां पत्ती याकुंनियाएरो सियालतीएहेल पैइदा भोव, ते सियालतीएहेलेरो ज़ौरोबाबल पैइदा भोव। 13 ते ज़ौरोबाबलेरो आबीहुद पैइदा भोव, ते आबीहुदेरो आलियाकिंम पैइदा भोव; ते आलियाकिंमेरो आज़वर पैइदा भोव। 14 ते आज़वरेरो सादुक पैइदा भोव, ते सादुकेरो आखींम पैइदा भोव, ते आखींमेरो आलीहुद पैइदा भोव। 15 ते आलीहुदेरो आलीज़र पैइदा भोव, ते आलीज़रेरो मत्तांन पैइदा भोव; ते मत्तांनेरो याकुब पैइदा भोव | 16 ते यकुबेरो युसफ पैइदा भोव, ज़ै मरियमारो मुन्श थु, ते मरियमारो यीशु पैइदा भोव, ज़ैसजो बादे मां मसही ज़ोंने लगे।
17 ते आब्रहांमे कैरां ते दावदे तगर च़ौवधे पीड़ी भुई, ते दावदेरे युहुदी केरे जालावतन भोइतां बाबलेरी गुलैमी मां गहंने तगर च़ौवधे पीड़ी भुई, ते बाबलेरे जालावतन भोंने कैरां देइतां यीशु मस्ही तगर च़ौवधे पीड़ी भुई।
यीशु एरू ज़रम
लूका 1:26-38; 2: 1- 7
18 ते यीशु मसीहेरु ज़र्म ऐंच़रे भोंव, की ज़ैखन तैसेरी अम्मां मरियामारी कुड़माई युसफै सेहीं भेवरी थी, ते ड्लाहे कैरां पेहिले तै पाबित्र आत्माइं सेहीं दोज़िंती भुई। 19 ते तैसारो मुन्श युसफ ऐल्हेरलेइ तैनी तै च़ुप च़ारे शारनेरे लेइ सोचु, किजोकी तै तैस बदनाम केरनी ना थु चहतो। 20 हेजु तै ऐन सोचने लोरो थु ता परमेशरे एकी फरिशते सुपने मां एइतां ज़ोंव, औ युसफ दोदरी औव्लाध अपनी कौन्श मरियम अपने घरे आंन्ने कैरां ना डर, किजोकी ज़ैन मठ्ठु तैसारे पेटे मांहे तैन पाक रुहारी कुद्रुती सेहीं भेवरुए। 21 मरियांमी मठ्ठु भोंनुए, ते तु तैसेरू नोंव यीशु रेखां, किजोकी तैहे अपने लोकन तैनकेरे पापण कैरां तैन छुटाल्हो।
22 एन सभ किछ ऐलहेरलेइ भोंव, की परमेशरेरो तै हुक्म ज़ै तैनी अपने नेबी केरे ज़िरये सेहीं दितोरो थु, पुरो भोए की। 23 अक आड्लाही कुई पेटे भारी भोली, ते तैस अक मठ्ठु भोलु, ते तैस्जो एमांनुएइल ज़ोल्हे, ज़ैसेरो मतलबे परमेश्वर ऐसन सेहीं साथीये। 24 युसफ ज़ैखन निड्लारां बींझ़ौ त तैनी परमेशरेरे फरिशतेरु ज़ोंनु मन्नु, ते मरियम अपनी कौन्श अपने घरे आंन्हीं | 25 पण ज़ां तगर तैस मठ्ठु ना ज़र्मुं तां तगर तैस्कैरां दुर राहु ते ज़ैखन मठ्ठु ज़र्मुं ता युस्फै तैस मठ्ठैरु नोंव यीशु रखु।