Matthew
मत्ती
येशु दी वंशावली
(लुका 3:23-38)
1
1 अब्राहम दी औलाद, दाउद दी औलाद, यीशु मसीह दा खानदान 2 अब्राहम थमा इसहाक जमया, इसहाक थमा याकूब जमया, याकूब थमा यहूदा ते उस्स दे प्रा पैदा होए, 3 यहूदा ते तामार थमा फिरिस ते जोरह पैदा होए, फिरिस थमा हिस्रोन जमया ते हिस्रोन थमा एराम जमया, 4 एराम थमा अम्मीनादाब जमया, अम्मीनादाब थमा नहशोन ते नहशोन थमा सलमोन जमया, 5 सलमोन ते राहब थमा बोअज जमया, बोअज अते रुत थमा ओबेद जमया, अते ओबेद थमा यिशै जमया, 6 अते यिशै थमा दाउद राजा जमया ।
अते दाउद थमा सुलैमान उस्स जनानी थमा जमया जेकी पैलें उरिय्याह दी करेआली हे, 7 सुलैमान थमा रहबाम जमया, रहबाम थमा अबिय्याह जमया, अते अबिय्याह थमा असा जमया, 8 असा थमा यहोशाफात जमया, यहोशाफात थमा योराम जमया, अते योराम थमा उज्जियाह जमया, 9 उज्जियाह थमा योताम जमया, योताम थमा आहाज जमया, अते आहाज थमा हिजकिय्याह जमया, 10 हिजकिय्याह थमा मनश्शिह जमया, मनश्शिह थमा आमोन जमया, अते आमोन थमा योशिय्याह जमया; 11 अते बंदी होइयै बेबीलोन जाने दे बेले च योशिय्याह थमा यकुन्याह, अते उस्स दे प्रा पैदा होये ।
12 बंदी होइयै बेबीलोन पुजी जाने दे बाद यकुन्याह थमा शालतिएल जमया, अते शालतिएल थमा जरुब्बाबिल जमया, 13 जरुब्बाबिल थमा अबीहूद जमया, अबीहूद थमा इल्याकीम जमया अते इल्याकीम थमा अजोर जमया, 14 अजोर थमा सदोक जमया, सदोक थमा अखीम जमया, अते अखीम थमा इलीहूद जमया, 15 इलीहूद थमा इलियाजार जमया, इलियाजार थमा मत्तान जमया, अते मत्तान थमा याकूब जमया, 16 याकूब थमा यूसुफ जमया, जेहडा मरियम दा करेआला हा, अते मरियम थमा यीशु जेहडा मसीह खुआया जंदा ऐ, जमया । 17 इस चाल्ली अब्राहम थमा दाउद तकर चौदां पीढ़ी होइ, अते दाउद थमा बेबीलोन गी बंदी होइयै पज्जाए जाने तकर चौदां पीढ़ी, अते बंदी होइयै बेबीलोन गी पज्जाए जाने दे बेले थमा मसीह तकर चौदां पीढ़ी ओई ।
येशु दा जन्म
(लुका 1:26-38, 2:1-7)
18 यीशु मसीह दा जन्म इस चाल्ली ओया, के जिस लै उस्स दी मां मरियम दी कड़माई यूसुफ कोला ओई, तां उंदे किट्ठा होने थमा पैलें गै ओह पवित्र आत्मा दी शक्ति कोला गर्भवती पाई गेई । 19 पर उस्स दा करेआला यूसुफ जेहडा तरमी हा अते उसे बदनाम करना नेई चांदा हा, उसे चुप्प - चाप तयागने दा बचार कित्ता । 20 जिस लै ओह इन्हें गल्लें दे सोचे च गै हा तां प्रभु दा सुर्गदुत उसे सुखने च लबया अते उसे आखना लगया, '' ऐ यूसुफ! दाउद दी संतान, तू अपनी करेआली मरियम गी अपने इत्थें अनने अस अते मत डर, कीहके जेहडा उदे गर्भ च ऐ, ओह पवित्र आत्मा थमा ऐ । 21 ओह जाकत जमग अते तू उस्स दा नां यीशु रखेयां, कीहके ओह अपने लोकें दा उंदे पापें थमा मुक्त करग।''
22 ऐ सब किश इस अस अते ओया के जेहडा बचन प्रभु ने पविखवक्ता दे द्वारे अखे गेदा हा, ओह पूरा ओई जा: 23 "दिखो इक कुआरी गर्भभती ओह ग अते इक जाकत जमग, अते उस्स दा नां इम्मानुएल रखा जाग, '' जिस दा मतबल ऐ - परमात्मा साहडे कोला । 24 उस बेलै यूसुफ निंद्रे थमा बिजियै प्रभु दे दूत दे हुकमे दे लेखा अपनी करेआली गी अपने इत्थें लेई आया; 25 अते जिस लै तकर ओह जाकत नेई जमी तैलूं तकर ओह उदे कोल नेई गेया:अते उस्स ने उस दा नां यीशु रखेया ।