MATTHEW
मत्ती
1
1 आब्राहम गा कोंकू, दाउद गा कोंकू, यीशु मसीह गा पीडी | 2 आब्राहम टे इसाहाक दायेन मेना; इसाहाक टे याकुब दायेन मेना; येथा याकुब टे यहूदा येथा दियागा दाईटे दायेन होय? 3 यहूदा टे फिरिस, येथा यहूदा येथा तामार टे जोरह दायेन मेणा; येथा फिरीस टे हिस्रोन दायेन मेणा, येथा हिस्रोन टे येराम दायेन मेणा | 4 येथा येराम टे अम्मिनाद्ब दायेन मेणा; येथा अम्मिनादाब टे नाह्शोन येथा नाह्शोन टे सलमोन दायेन मेणा || 5 येथा सलमोन येथा राह्ब टे बोआज दायेन मेणा | येथा बोआज येथा रुत टे ओबेद दायेन मेणा; येथा ओबेद टे यीशाई दायेन मेणा ? 6 येथा यीशाई टे दाउद राजा दायेन मेणा || 7 येथा दाउद टे सुलैमान दि जापाये टे दायेन मेणा जो पेला उरीय्याह गा जांपाये टे डा, 8 येथा सुलैमान टे रहबाम दायेन मेणा; येथा रहाबाम टे आबिय्याह दायेन मेणा; येथा आबीय्याह ते आसा टे यहोशापात दायेन मेणा; येथा याहोशापात टे योराम दायेन मेणा,येथा योराम टे उजीय्याह दायेन मेणा | 9 येथा उजीय्याह टे योताम दायेन मेणा; येथा योताम टे आहाज दायेन मेणा; येथा आहाज टे हिजकीय्याह दायेन मेणा | 10 येथा हिजिकिय्याह टे मनाश्शीह दायेन मेणा |येथा मानाश्शीह टे आमोण दायेन मेणा; येथा आमोण टे योश्शियाह दायेन मेणा ? 11 येथा बंदी आरुटे बाबुल सेने गा टेमो गा योशियाहटे याकुण्या ते , येथा दिया गा दाईटे दायेन मेणा | 12 बंदी आरुटे बाबुल पोचातीन्जे गा बादोन याकुण्याह टे शालतीयेल दायेन मेणा; येथा शालतीयेल टे जरुब्बाबिल दायेन मेणा || 13 येथा जरुब्बाबिल टे आबिहूद दायेन मेणा, येथा अबिहूद टे इल्याकिम दायेन मेणा; येथा इल्याकिम टे आजोर दायेन मेणा ? 14 येथा आजोर टे सादोक दायेन मेणा; येथा सडोक टे आखीम दायेन मेणा; येथा आखीम टे इलूहुद दायेन मेणा | 15 येथा इलीहूद टे इलीयाजार दायेन मेणा; येथा इलीयाजर टे मत्तन दायेन मेणा; येठा मत्तान टे याकुब दायेन मेणा | 16 येथा याकुब दायेन मेणा; जो मरियाम गा सानाते दा दिया टे जो मसिह मंदीवा होय दायेन मेणा || 17 आब्राहम टे दाउद टायेन सेबाई चौदा पीडी दायेन येथा दाउद टे बाबुल के बंदी आरुटे पोचातीन्जू टायेन चौदा पीडी येथा बंदी आरुटे बाबुलेन पोचातीन्जे गा टेमो टे साटे मसीह टायेन चौदा पीडी दायेन ? 18 नका यीशु मसिह गा जन्म इनी रोन्गो टे दायेन, कि जाब दियागा आन्ते मारीयाम गा मंगनी युसुफ गा साथोन दायेन मेणा. मेटे दिकुगा म्याखठ्ठा एसेउ गा पेला टे देतेन पवित्रा आत्मा गा कोणते लाज्के डान होय | 19 अगर दियागा सानाते युसुफ नी जो धर्मी दा येथा दिच्के बाद्नाम दादा बाण चाहता दा, दिच्के कायोम टे का आरा गा बिचार डा |* 20 जब देतेन इनी बातो के सोचोन का डा मेटे प्रभू गा स्वर्गदूत दिच्के साप्नान डोकेनेच डो मांडी लाज्जे; हे युसुफ दाउद गा कोणटे, आम आपणा जापाये मरीयाम के आपणा येटेन सालेच बाकी हिघारा; चोयाकी जो दियागा लाजेन होय, देतेन पवित्रा आत्मा टे होय | 21 देतेन कोण दाउवा येथा आम दियागा जीमू यीशु डोकी; चोयाकी देतेन आपणा कुरकु गा दिकुके पापो टे उध्दार जेवा ? 22 येटेन सेबाई चोच्काभी इनिघांजी दायेन कि जो वचन प्रभू नी भविष्यगा गेल्ला मांदिके डा; देतेन पुरायेन होय|| 23 कि डोगे म्या क्वांरी लाजुवा होय येथा म्या कोण दाउवा येथा दियागा जीमू इम्मानुयेल डोके डेगा अर्थ इनी होयकि परमेश्वर आलेगा साथोन | 24 अगर युसुफ दुनुमा टे झाठठोयेन प्रभू गा दूत गा हुकुम रोन्गो आपणा जापाये के येटेन सालेनेच ! 25 येथा जब टायेन देतेन कोण बाण डाऊ तब टायेन देतेन दियागा मेरान बाण सेनडूका: येथा दिच्नी दियागा जीमू यीशु डोके ||