MATTHEW
मत्ती
1
1 इब्राहीम केर संतान, दाउद कर संतान यीशु मसीह कर वंशावली | 2 इब्राहीम से इसहाक जनमलक ; इसहाक से याकूब जनमलक ; आउर याकूब से यहूदा आउर उकर भाईमन जनमलयँ | 3 यहूदा से फिरिस, आउर यहूदा आउर तामार से जोरह जनमलयँ ; आउर फिरिस से हिस्रोन जनमलक, आउर हिस्रोन से एराम जनमलक | 4 आउर एराम से अम्मीनादाब जनमलक; आउर अम्मीनादाब से नहशोन आउर नहशोन से सलमोन जनमलक | 5 आउर सलमोन आउर राहब से बोअज जनमलक | आउर बोअज आउर रूत से ओबेद जनमलक ; आउर ओबेद से यिशै जनमलक | 6 आउर यिशै से दाऊद राजा जनमलक | 7 आउर दाऊद से सुलैमान उ जनाना से जनमलक जे पहिले उरिय्याह कर जनाना रेहे | 8 आउर सुलैमान से रहबाम जनमलक; आउर रहबाम से अबिय्याह जनमलक ; आउर अबिय्याह से आसा जनमलक; आउर आसा से यहोशाफात जनमलक; आउर यहोशाफात से योराम जनमलक; आउर योराम से उज्जिय्याह जनमलक | 9 आउर उज्जिय्याह से योताम जनमलक; आउर योताम से आहाज जनमलक; आउर आहाज से हिजकिय्याह जनमलक | 10 आउर हिजकिय्याह से मनश्शिह जनमलक | आउर मनश्शिह से आमोन जनमलक; आउर आमोन से योशिय्याह जनमलक | 11 आउर बंदी होई के बाबुल जायक केर बेरा में योशिय्याह से यकुन्याह, आउर उकर भाई जनमलयँ || 12 बंदी होई के बाबुल पोहोंचेक केर बाद यकुन्याह से शालतिएल जनमलक ; आउर शालतिएल से जरुब्बाबिल जनमलक | 13 आउर जरुब्बाबिल से अबीहूद जनमलक, आउर अबीहूद से इल्याकीम जनमलक ; आउर इल्याकीम से अंजोर जनमलक | 14 आउर अंजोर से सदोक जनमलक ; आउर सदोक से मत्तान से अखीम जनमलक ; आउर अखीम से इलिहूद जनमलक | 15 आउर इलिहूद से इलियाजार जनमलक ; आउर इलियाजार से मत्तान से याकूब जनमलक ; आउर मत्तान से याकूब जनमलक | 16 आउर याकूब से यूसुफ जनमलक ; जे मरियम कर पति रेहे जेकर से यीशु जेके मसीह कहेना जनमलक || 17 इब्राहीम से दाउद तक सउब चौदह पीढ़ी होलक आउर दाउद से बाबुल के बंदी होई के पोहोंचएक जाएक तक चौदह पीढ़ी आउर बंदी होई के बाबुल पोहोंचएक जाएक केर बेरा तक चौदह पीढ़ी होलक || 18 अब यीशु मसीह कर जनम इ लेखे होलक, कि जेखन उकर आयो मरियम कर मंगनी यूसुफ कर संगे गेलक, तो उमनक जमा होएक से पहिले ऊ पवित्र आत्मा कर बाटे से गर्भवती पावल गेलक | 19 से उकर पति यूसुफ जे धरमी रेहे आउर उके बदनाम करेक नी चाहोत रेहे, उके चुपचाप से छोइड़ देवेक सोचलक | 20 जेखन ऊ इ गोइठमन के सोचोत रेहे तो प्रभु कर स्वरगदूत उके सपना में देखाई देई के कहेक लगलक ; हे यूसुफ दाउद कर बेटा, तोंय अपन जनाना मरियम के अपन हिंयाँ लेई आनेक से न डर ; काकि जे उकर गर्भ में आहे, ऊ पवित्र आत्मा कर बाटे आहे | 21 ऊ बेटा जनमी आउर तोंय उकर नाँव यीशु रखबे ; काकि ऊ अपन आदमीमन केर उमनक पापमन से बचाई | 22 ई सउब कुछ इकर लागिन होलक कि जे वचन प्रभु भविष्यवक्ता से काइह रेहे ; ऊ पूरा होओक | 23 " कि, देखा एक झन कुँवारी गर्भवती होवी आउर एक गो बेटा जनमी आउर उकर नाँव इम्मानुएल रखल जाई जेकर अर्थ इ हेके "" परमेश्वर हमर संगे "" |" 24 से यूसुफ नींद से जाइग के प्रभु केर दूत कर हुकूम मोताबिक अपन जनाना के अपन हिंयाँ लेई आलक | 25 आउर जब तक ऊ बेटा नी जनम देलक तब तक उकर ठिन नी गेलक : आउर ऊ उकर नाँव यीशु रखलक ||