Matthew
मत्ती
1
1 अब्राहम कै सन्तान, दाऊद की सन्तान यीशु मसीह की वंशावाली। 2 अब्राहम से इसहाक पोएदा होआ, इसहाक से याकूब पोएदा होआ ,याकूब से यहूदा ओरो तेसके भाऐ पोएदा होऐ। 3 यहूदा ओरो तामार से फिरिस ओरो जोरह पोएदा होऐ, ओरो फिरिस से हिस्त्रोन पोएदा होआ, ओरो हिस्त्रोन से एराम पोएदा होआ । 4 एराम से अम्मीनादाब पोएदा होआ, ओरो अम्मीनादाब से नहोशोन, ओरो नहशोन से सलमोन पोएदा होआ । 5 सलमोन ओरो राहब से बोअज पोएदा होआ, बोअज ओरो रूत से ओबेद पोएदा होआ, ओरो ओबेद से यिशै पोएदा होआ 6 ओरो यिशै सै दाऊद राजा पोएदा होआ, ओरो दाऊद से सुलैमान तियों बेटमाणिष कै पोएदा होआ जू आगै उरिय्याह कै पोत्नै थै । 7 ओरो सुलैमान कै रहबाम पोएदा होआ, ओरो रहबाम से अबिय्याह पोएदा होआ, ओरो अबिय्याह से आसा पोएदा होआ । 8 आसा से यहोशाफात पोएदा होआ, यहोशाफात से योराम पोएदा होआ, ओरो योराम से उज्जियाह पोएदा होआ । 9 ओरो उज्जियाह से योताम पोएदा होआ, ओरो योताम से आहाज पोएदा होआ, आहाज हिजकिय्याह पोएदा होआ । 10 हिजकिय्याह से मनश्शिह पोएदा होआ, ओरो मनश्शिह से आमोन पोएदा होआ , आमोन से योशिय्याह पोएदा होआ । 11 ओरो बोन्धै बोणैबा बेबीलोन जाणौ कै समय में योशिय्याह से यकुन्याह, ओरो तेसकै भाऐ पोएदा होऐ। 12 बन्धै होऐबा बेबीलोन पहुंचणौ कै बाद यकुन्याह से शालतिएल पोएदा होआ , ओरो शालतिएल से जरुब्बाबिल पोएदा होआ । 13 जरुब्बाबिल से अबीहूद पोएदा होआ , ओरो अबीहूद से इल्याकीम पोएदा होआ , ओरो इल्याकीम से अजोर पोएदा होआ । 14 ओरो अजोर से सदोक पोएदा होआ , ओरो सदोक से अखीम पोएदा होआ , ओरो अखीम से इलीहूद पोएदा होआ । 15 इलीहूद से इलियाजार पोएदा होआ , ओरो इलियाजार से मतान पोएदा होआ ,ओरो मतान से याकूब पोएदा होआ । 16 ओरो याकूब से यूसुफ पोएदा होआ ,जू मरियम का घौरवाल़ा थिया , ओरो मरियम से यीशु जू मसीह कहलांव पोएदा होआ। 17 इथकारिऐ अब्राहम से दाऊद तोड़ी चौऊदो पीढ़ी होई , ओरो दाऊद से बेबीलोन खै बोन्धी होऐबा पहूंचणौ तोड़ी चौऊदौ पीढ़ी ,ओरो बोन्धी होऐबा बेबीलोन से पहुंचणौ तोड़ी कै समय से मसीह तोड़ी चौऊदो पीढ़ी होई । 18 यीशु मसीह का जन्म ऐशैखै होआ ,जोलौ तेसकी मां मरियम कै सोगाऐ यूसुफ कै साथै होऐ गोऐ, तिथकै कोठै होणौ दो ओगवाड़िओ से पवित्र आत्मा की ओर से तेंयांरे होल़किणु होऐ गो। 19 तोबै तेयांरा घौरवाल़ा यूसुफ जू धर्मी थिया तियों खै बदनाम कोरनै ना चांव थिया , ओरो तेनै तियों खै चुपी छोड़नौ का विचार किया। 20 जोबै तेनै इनु बातो खै सोचै लोई थी तोबै प्रभु का स्वर्गदूत तेसखै सुईणै दा दिखाई दिया ओरो सै बौल़दा लागा , हे यूसुफ दाऊद की सन्तान , तू अपणै घौरवाल़ै मरियम खै अपणै घोरै लाणौ खै डोरेया नै , जू तेयांरे गर्भ दो ओसो , सै पवित्र आत्मा की ओर सै ओसो । 21 सै ऐक बेटै खै जन्म देंदै ओरो तू तेसको नांव यीशु राखैया , जैथु सै अपणै लोगो का ओरो सै तिनकै पापो का उधार कोरदा । 22 ऐजो सोबै इथ कारिऐ हौ जू वचन प्रभुऐ भविष्यवक्ता के दवारा बौल़ै राये थिया ,सै पूरा होंव। 23 देखेया ऐक कुंवारै होल़किणौ वाल़ै होंदै ओरो ऐकी बेटै खै जन्म देंदै , ओरो तेसको नांव इम्मानुएल राखेया, जिथका मतलब ओसो- पोरमेश्वर ओमारै साथै ओसो । 24 तोबै यूसुफ कै नींद खोलै ओरो सै उबा बिजा ओरो प्रभु के दूतो कै आज्ञा के अनुसार अपणै घोरवालै खै अपणै कागी लाऐ 25 ओरो जांव तोड़ी तियें बेटै खै जन्म ना दी तांव तोड़ी यूसुफ तेयांरे धोरे हुटी नै , ओरो तेनै तेसको नांव यीशु राखौ ।