Matthew
मत्ती
1
1 अब्राहामको पुत्र, दाउदको पुत्र, येशू ख्रीष्टको वंशावली: 2 अब्राहाम इसहाकको पिता रहए |, यहूदा और बिनको ददा भैइयाक् पिता, 3 यहूदा फारेस और जाहेरको पिता रहए| बिनकी अइया तामार रहए| फारेस हेस्रिनको पिता, हेस्रोन आरामको पिता, 4 यहूदा फारेस और जाहेरको पिता रहए| बिनकी अइया तामार रहए | फारेस हेस्रिनको पिता, हेस्रोन आरामको पिता, आराम अम्मीनादाबको पिता, अम्मीनादाब नहशोनको पिता, नहशोन सल्मोन पिता, 5 सल्मोन बोअजको पिता, बोकी अईया राहाब रहए| बोअज ओबेदको पिता रहए| बोकी अइया रुथ रहए| ओबेद यिशैको पिता, 6 यिशै दाउद राजाको पिता रहए| दाउद सोलोमनको पिता रहए| सोलोमनकी अइया उरियाहकी बैयर रहए| 7 सोलोमन रह्बामको पिता, रह्बाम अबियाको पिता, अबिया आसाको पिता, 8 आसा यहोशापातको पिता, यहोशापात यहोरामको पिता, यहोराम उज्जियाहको पिता, 9 उज्जियाह योतामको पिता, योताम आहाजको पिता आहाज हिजकियाको पिता, 10 हिजकिया मनश्शेको पिता, मनश्शे अमोनको पिता, अमोन योशियाहको पिता, 11 योशियाह यकोनियास और बिनको भैयाको पिता रहए| बे बेबिलोनमे यहुदीनके बन्दी बनानसे अग्गु बे जन्मे रहए| 12 बेबिलोनमे बन्दी बनाएके पिछु: यकोनियास शालतिएल यरुबाबेलको पिता, 13 यरुबाबेल अबिउदको पिता, अबिउद एल्याकीमको पिता, एल्याकिम आजोरको पिता, 14 आजोर सादोकको पिता, सादोक आखिमको पिता, आखिम एलिउदको पिता, 15 एलिउद एलाजारको पिता, एलाजार मत्तानको पिता, मत्तान याकुबको पिता रहए| 16 याकुब बहे योसेफको पिता रहए| जौनकी बैयर मरियम रहए| जहे मरियमसे येशु जन्मोरहए, जो ख्रीष्ट कहेलानो हए| 17 अइसे अब्राहामसे लैके दाउद तक चौध पुस्ता हुइगौ रहए, और दाउदके समयसे लैके बेबिलोनमे निर्वासन होन तक चौध पुस्ता, और बेबिलोनमे निर्वासन भाव समय तक ख्रीष्टको समय तक चौध पुस्ता हुइगए| 18 येशू ख्रीष्टको जन्म जा प्रकारसे भव: बोकी अइया मरियमकी मगनी योसेफ संग भै रहए, तव बाको विह होनसे अग्गु मरियम पवित्र आत्मासे गर्भवती हुइगै हए करके पत्ता हुइगओ| 19 तव बिनको पति योसेफ धर्मी आदमी हुइके शर्ममे पणन नए चाहिँ, बिनके चुप्पैसे छोडन इच्छा करीं| 20 तव जा बात बिचार करत् रहए, सपनामे परमप्रभुक् दुत दिखनो और बोसे कहि, “योसेफ, दाउदको लौणा, तुमरी बैयर मरियमके स्वीकार करन् मतडराओ, कहेकी जो बिनके गर्भमे हए, बो पवित्र आत्मासे हए| 21 बो एक लौणाको जन्म देहए, और तुम बाको नाउँ येशू धरेहौ, कहेकी बो अपन आदमीक् पापसे बचए हए|” 22 अगमवक्तासे परमप्रभु बोलो बचन पुरा होनके तहि जा सब भव रहए: 23 "देखौ, कन्या गर्भधारण करैगी, और बो एक पुत्रको जन्मदेबैगी, और बाको नाउँ इम्मानुएल धरेहौ,” जाको अर्थ हए, “परमेश्वर हमरसंग|” " 24 योसेफ निद्से बिउँझो, और परमप्रभुको दूत उनसे कहि बमोजिम बो मरियमके अपनी बैयरके रुपमे स्वीकार करीँ| 25 मरियम लौणा नएजन्माएतक योसेफ बिनके संग सहवास नएकरी| योसेफ बाको नाउँ येशु धरी|